Tutmonda Esperantista Ĵurnalista Asocio
teja
teja
teja
teja
teja
temp-thumb
temp-thumb
temp-thumb
temp-thumb
temp-thumb

Tutmonda Esperantista Ĵurnalista Asocio, sigle TEĴA, estas libervola krea unuiĝo de profesiaj kaj amatoraj ĵurnalistoj, uzantoj kaj diskonigantoj de la internacia lingvo Esperanto.
Ĝi estas fondita en 1946, reorganizita eĉ 5-foje - en 1956, 1992, 2005, 2006 kaj 2008. Ekde sia fondiĝo TEĴA funkcias en kunlaboraj rilatoj kun la ĉefa esperantista organizaĵo Universala Esperanto-Asocio (UEA). Kiel jurpersona organizaĵo TEĴA estas registrita 18.12.2008 en Litovio. Nun la asocion gvidas 7-persona Estraro, elektita en 2011: Aŭdrys Antanaitis (prezidanto, Litovio), Vytautas Šilas (Litovio), Dmitrij Ŝevĉenko (Rusio), Stano Marček (Slovakio), Alfred Schubert (Germanio), Dieter Rooke (Svislando), Bengt Norlöf (Svedio). TEĴA havas mebrojn en 39 landoj de 5 kontinentoj.

El historio de TEĴA

La asocion TEĴA la 19-an de novembro 1946 fondis nordiaj ĵurnalistoj, la svedo Einar Adamson, la finno Niilo Kavenius kaj la dano R. Gunnar Nielsen. La sidejo fariĝis Svedio kaj ankaŭ la unua estraro estis skandinava.
Laŭ la tiama deklaro, la celo de la asocio estis servi al ĵurnalistoj profesiaj kaj amatoraj. Ĝi volis kunigi ĉiujn ĵurnalistojn, kiuj scipovas Esperanton, por komuna kunlaboro kaj kunhelpo rilate al korespondado, interŝanĝo de artikoloj, enketoj kaj informoj pri diversaj demandoj. Per uzado de Esperanto inter ĵurnalistoj ĝi volis pruvi, ke la lingvo devas servi al praktikaj celoj. En ĝi laŭ la regularo rajtis membri ĉiuj ĵurnalistoj, raportantantoj, publicistoj esperantistoj, sendepende de siaj nacieco, raso, politikaj kaj religiaj konvinkoj kaj tendencoj.
Kiam en 1953 mortis Einar Adamson, la vera motoro de la organizo, TEĴA spertis periodon de stagnado. En 1956 ĝi reorganiziĝis kaj la iniciaton transprenis bulgara sekcio. Poste dum jardekoj la asocio estis grandparte sub la gvidado de bulgaraj esperantistoj. Multjara prezidanto estis la norvego Olav Thormodsen, vicprezidanto estis Ivan Keremidĉiev-Esperov. En 1958 komencis aperadi 4 numeroj jare la organo de TEĴA Internacia Ĵurnalisto. Ĉe la jaro 1970 la asocio havis pli ol 300 membrojn. La membraro konsistis el du kategorioj: A-membroj, t.e. profesiaj ĵurnalistoj, kaj B-membroj, t.e. laŭokazaj kunlaborantoj de gazetaro kaj radio kaj redaktoroj de Esperantaj gazetoj. La politikaj ŝanĝoj en la orienteŭropaj landoj ŝanĝis ankaŭ la cirkonstancojn por TEĴA, kaj en 1988 la revuo Internacia Ĵurnalisto ĉesis aperadi.
En 1992 sub prezido de germana kroato Stefan Maul la asocio estis refondita kaj aktivis dum pluraj jaroj; reaperis Internacia Ĵurnalisto, koresponda trejnkurso por ĵurnalistoj sub gvido de Paul Gubbins estis bone akceptita. En 1993 TEĴA havis 154 membrojn, kaj eĉ fondis Premion Privat por “agnoski meritojn pri objektiva, sendependa kaj honesta ĵurnalisma agado”. (Ĝin samjare ricevis la Sarajeva ĵurnalisto Zlatko Dizdarevič.) Sed baldaŭ TEĴA stagnis, eĉ regresis, la fakrevuo ne plu povis aperi pro manko de mono; el 130 membroj fine restis nur kvardeko, tiel la estraro proponis malfondon de “evidente superflua asocio”. La asocio ĉesis ekzisti la 31-an de decembro 2003. Tamen poste Yamasaki Seikô el Japanio iniciatis alvokon por restarigo de la asocio. Al lia iniciato tuj aliĝis István Ertl (eksredaktoro de la revuo Esperanto) kaj Jukka Pietiläinen (esploristo pri ĵurnalismo). Subskribis la alvokon ankaŭ la redaktoro de Libera Folio, Kalle Kniivilä.
Dum la 90-a Universala Kongreso de Esperanto en Vilno (Litovio), en julio 2005, la asocio estis formale reaktivigita. La kunvenon de TEĴA partoprenis ĉ. 30 Esperanto-ĵurnalistoj. El ili ĉirkaŭ triono iam estis membroj de TEĴA. Yamasaki Seikô (Japanio), István Ertl (Hingario) kaj Jukka Pietiläinen (Finnlando) estis elektitaj kunordigantoj ĝis la UK en Florenco. En Florenco okazis nova kunsido, en kiu estis elektita kvinpersona provizora estraro: hungaro István Ertl, svedo Kalle Kniivilä, slovako Stano Marček, finno Jukka Pietiläinen kaj sviso Dieter Rooke.
Dum la unua Tutmonda Kongreso de Esperantistoj-Ĵurnalistoj en Vilno en majo 2008 okazis renovigo de la estraro de TEĴA kaj la unuaj paŝoj al serioza reaktivigo de la asocio. Kiel prezidanto de la asocio estis elektita la konata litova ĵurnalisto Audrys Antanaitis. La estraron krome eniris Vytautas Šilas (ĝenerala sekretario, Litovio), Aleksandr Korĵenkov (vicprezidanto, Ruslando) kaj Mariana Evlogieva (Bulgario). El la malnova estraro restis Kalle Kniivilä kaj Dieter Rooke. La konsisto de la estraro kun Gabriela Kosiarska (Pollando) estis konfirmita samjare dum la 93-a Universala Kongreso de Esperanto en Roterdamo.

Fotoj pri TEĴA

Esperantistoj en rusia universitato
TEĴA-kunveno en Irlando
TEĴA-kunveno en Irlando
TEĴA-kunveno en Irlando
TEĴA-kunveno en Irlando
TEĴA-kunveno en Irlando
TEĴA-kunveno en Irlando
TEĴA-kunveno en Irlando
TEĴA-kunveno en Irlando

Aktualaj novaĵoj

Membra ensaluto

Disertacio pri historio de Esperanto-ĵurnalismo

История применения эсперанто в России: печать, радиовещание, переписка, самиздатLa 25-an de septembro 2014 Dmitrij Vlasov sukcese defendis doktoran disertacion kun la temo "Ĵurnalismo de Esperanto-movado en XX-a jarcento: tendencoj de evoluo kaj tipologiaj specialaĵoj". Ĉi jare la eldonejo Impeto eldonis lian monografion, kiu estas bezita sur lia disertacio - http://impeto.trovu.com/libroj/vlasov2. Dmitrij VLASOV naskiĝis en 1987, akiris fakajn sciojn en geologia fakultato kaj magistran rangon de ĵurnalista fakultato de Sankt-Peterburga ŝtata universitato. Dum studado li konatiĝis kun Esperanto kaj ekinteresiĝis pri ĝia praktika uzo en amaskomunikiloj. Studis historion de rusia esperantismo. En 2011 li defendis magistran disertacion pri la temo “Evoluo de Esperanto-movado kaj ĝia ĵurnalistiko sub cenzuro en Rusia imperio kaj USSR (1887–1938)”.

Letero de UEA al TEĴA

Estimata Tutmonda E-ista Ĵurnalista Asocio,

En decembro 1954, en sia Ĝenerala Konferenco en Montevideo, Unesko akceptis la faman rezolucion, per kiu ĝi agnoskis la kontribuojn de Esperanto al ĝiaj agadkampoj (edukado, scienco kaj kulturo).
UEA nun alvokas al komuna festado de la Jaro "Montevideo 60," por marki tiun signifan datrevenon kaj por elstarigi la rimarkindan progreson de la lingvo sur tiuj kampoj en la lastaj 60 jaroj. Ni antaŭvidas, ke tra la jaro okazos diversaj projektoj kaj eventoj kun aparta atento al la eduka, scienca kaj kultura valoroj de Esperanto. Temas iusence pri tutmonda kultur-festivalo kiu disvolviĝos en multaj diversaj formoj kaj lokoj.

BONVENE DUMVIVA MEMBRO – ISTVÁN ERTL

Русалка
Dumviva membro de TEĴA iĝis la konata esperantisto, E-instruisto, tradukisto kaj interpretisto, István Ertl, hungaro/franco nun loĝanta en Luksemburgio. Li studis ĉe la Budapeŝta universitato ELTE en la fakoj pri la lingvoj franca, latina kaj Esperanto. Li laboris ĉe UEA en Roterdamo, ĉe Eŭropa Reto kontraŭ Rasismo en Bruselo, kaj nuntempe kiel tradukisto ĉe la Eŭropa Revizora Kortumo en Luksemburgo. Ertl esperantistiĝis memlerne en 1977, estas redaktoro de la revuoj Opus Nigrum, Internacia Pedagogia Revuo, Kontakto kaj Esperanto kaj kunfondis la retan E-gazeton Libera Folio. Li konstante kunlaboras kun la revuo La Ondo de Esperanto.

Honorigoj de ĵurnalistoj

Per decido de la Estraro de UEA, la Premio Deguchi, "la esperantista pacpremio", de la jaro 2014 estis aljuĝita al estrarano de TEĴA s-ro Stano Marček el Slovakio pro lia longtempa agado kiel instruisto de Esperanto en multaj landoj kaj pro lia ĵurnalisma agado kiel redaktoro de multaj Esperanto-gazetoj (Esperantisto Slovaka, Esperantista Vegeterano, Heroldo de Esperanto, Esperanto). Dum la anonco pri la decido de la Estraro dum la Solena Fermo de la 99-a Universala Kongreso en Bonaero, aparte elstarigita estis la eksterordinara sukceso de lia lernolibro "Esperanto per rekta metodo", aperinta jam en 34 nacilingvaj eldonoj. Ĉar Stano Marček ne povis partopreni la kongreson en Bonaero, la premio estos transdonita al li dum alia Esperanto-renkontiĝo post la UK.

Dum la Solena Fermo de la 99-a UK en Bonaero estis anoncitaj la nomoj de ricevantoj de Diplomo pro Elstara Arta Agado. Ĝi estis atribuita al estrarano de TEĴA Dmitrij Ŝevĉenko (Rusio) pro lia fruktodona eldona agado.

HELPU INFORMI PRI LA KONGRESO

La UK estas la plej granda evento de nia esperantista komunumo, kaj donas bonegan okazon por kapti la atenton de la gazetaro en diversaj landoj kaj lingvoj.

La Gazetara Kampanjo pri la ĉi-jara UK realiĝas per la kunlaboro kaj agado de unuopaj esperantistoj en la tuta mondo. Per eta ago ĉiuj povas senpage aperigi artikolojn pri Esperanto en ĵurnaloj, revuoj, televidoj, radioj, sociaj retoj kaj blogoj de siaj regionoj.

Okazos laborgrupo pri tio en la UEA-seminario pri Konsciigo, 1015-1200 en lundo. Ĝi donos praktikajn konsilojn kaj ekzemplojn por utiligi dum- kaj postkongrese.

LA KVINA DUMVIVA MEMBRO

La kvina dumviva membro de TEĴA iĝis la estrarano Alfred Schubert el Weilheim (Germanio). Li studis la anglan, francan kaj hispanan lingvojn en Munkeno. Dum tiu tempo li lernis ankaŭ Esperanton. Ekde 1983 li laboras en sia propra entrepreno "Linguistisches Bureau", kiu faras tradukojn kaj prilingvajn servojn, interalie verkadon kaj redaktadon de tekstoj kaj prilaboradon de lingvaj datumoj por publikigo.

FANTOMAJ MEMBROJ

Antaŭ nelonge mi disendis e-poŝtan rondleteron al ĉiuj membroj de TEĴA (ĝin publikigis ankaŭ la retejo). Ho ve, kelkajn e-adresojn la interreta servo forĵetis kiel nevalidaj. Tiuj adresoj estis de:

NOVA DUMVIVA MEMBRO – RENATE KLAG


TEĴA ekhavis ankoraŭ unu dumvivan membron! Estas Magistro Renate KLAG el Vieno (Aŭstrio), fakulo pri la angla lingvo, geografio kaj ekonomio. Ŝi finis la porĵurnalistan kurson de sperta E-redaktoro Perla Martinelli (membro de la Akademio de Esperanto). La geografio de ĵurnalista kunlaboro de kolegino Renate estas amaskomunikiloj MONATO, LITERATURA FOIRO, Radio Aŭstria Internacia (Esperanta redakcio). Bonfarton al Mag. Renate Klag!

AL MEMBROJ DE TUTMONDA ĴURNALISTA ESPERANTISTA ASOCIO

Karaj gekolegoj, montru vian vivecon!

Kiel rilatas vi kaj TEĴA, kiel sentas vi esti en TEĴA? Ĉu TEĴA progresas dank` al vi? Estas iom filozofiaj demandoj por iama pripenso. Nun ni, tamen, statistiku. En nia Asocio nun membras 131esperantistoj el 5 kontinentoj kaj 41 landoj (la stato ve senprogresas – dezirindas kresko kaj nombre kaj laŭlande). Laŭlande la Asocion konsistigas:

SOLENANTOJ DE LA ĈEVALA 2014

Bonfarton al vi, karaj gekolegoj, okaze de la veno de la Ĉevala jaro2014! Venigu ĝi al vi energion, sukcesojn kaj plezurojn!
Unue ni gratulu nian japanan kolegon Seikô YAMASAKI pri lia grava 85-jara jubileo, kiun al li venigas la Ĉevala jaro! Li havas meritojn antaŭ TEĴA - ankaŭ dank` al li TEĴA vivas ĝis nun. Bonsanon kaj bonhumoron, kara kolego!
La jaro venigas ankaŭ jubileojn al tuta aro de nia kolegaro. Tiuj, kiuj ĝis nun nek plugis, nek semis devos dum la tuta jaro labori ĉevale ŝvite. Tio ja ne validas al vi, niaj karaj solenantoj. Vi plugis, erpis kaj semis. Ni do deziras al vi riĉan maturan rikolton! Estu energiaj, decidemaj, ĝojaj kaj kontentaj! Ĉiujn dezirantojn gratuli vin aparte ni atentigas pri viaj naskiĝdatoj:

18-01-1949, la 65-jaro de Rita RÖSLER-BUCKEL el Dudenhofen, Germanio; rozsas@web.de
19-02-1974, la 40-jaro de Alfred Kobina ARTHUR, el Teshie Accra, Ganao; abaako43@yahoo.com
30-03-1944, la 70-jaro de Jovo DURIĆ, Beograd, Serbio;
01-04-1934, la 80-jaro de Ileana SCHRØDER, Kastrup, Danio; ileana.schroder@mail.dk
12-05-1939, la 75-jaro de Alicja-Urszula LIWANDERSKA-QUEDNAU, Haag, Germanio; lewander@forst.wzw.tum.de
14-05-1949, la 65-jaro de Franc-Georg RÖSLER, Dudenhofen, Germanio; rozsas@web.de
08-06- 1974, la 40-jaro de Frimpon Ampomah BADU, Menai, Aŭstralio; rampomah@bigpond.net.au
18-06-1949, la 65-jaro de Barbara PIETRZAK, Varsovio, Pollando; bpietrzak@onet.eu
27-06-1949, la 65-jaro de Walter KLAG, Vieno, Aŭstrio; esperanto@chello.at
01-10-1964, la 50-jaro de Mariana EVLOGIEVA, Sofio, Bulgario; mrvpl@interpress.org
08-11-1949, la 65-jaro de Paul Gubbins, Mossley Congleton, Britio; paul@gubbins.org.uk
01-12- 1954, la 60-jaro de Vladimir MININ, Toms, Rusio; mininvl@hotmail.com

Kolege viaj

Prezidanto de TEĴA Audrys Antanaitis,
Ĝenerala sekretario de TEĴA Vytautas Šilas

Teknika subteno, redaktado, administrado: Dmitrij Ŝevĉenko kaj Anna Striganova

© 2008-2012 TEĴA