Diversgrade gravajn naskiĝtagojn solenos nia ĵurnalista kolegaro en la jaro 2012. Notu la datojn por vi kaj poste eluzu eblan okazon por gratuli ilin! Mi mem jam anticipe deziras al la solenontoj: ek vigle al solidaj jubileoj!

1. Dae Suk CHOI (Taesok Choe), 16-02-1962, Litovio, 50.
2. Salam Shany MIAN, 16-02-1962, Pakistano, 50.
3. Betty CHARTERJE, 01-03-1942, Danio, 70.
4. Bernhard WESTERHOFF, 30-03-1962, Germanio, 50.
5. Julija ANTANAITIENĖ, 16-04-1982, Litovio, 30.
6. Yenovk LAZIAN, 16-05-1962, Germanio, 50.
7. Danutė STATKUVIENĖ, 04-06-1957, Litovio, 55.
8. Peter KÜHNEL, 05-06-1947, Germanio, 65.
9. Vytautas ŠILAS, 29-06-1937, Litovio, 75.
10. Lászlo SZILVÁSI, 30-06-1957, Hungario, 55.
11. Bengt NORDLÖF, 20-07-1937, Svedio, 75.
12. Marian ZDANKOWSKI, 18-09-1947, Pollando, 65.
13. Halina KOMAR, 18-10-1937, Pollando, 75.
14. Margarita ŽELVE, 24-10-1962, Latvio, 50.
15. Jill GUBBINS, 20-11-1982, Britujo, 30.
16. Venelin MOTEV, 02-12-1942, Bulgario, 70.

Prezidanto de TEĴA Audrys Antanaitis

De la 9-11-a de majo 2012 EEU organizas eŭropan konferencon por junaj ĵurnalistoj kaj studentoj de ĵurnalismo kun la temo “Kia estus Eŭropo nun, se EU neniam estus fondita?” en Triesto (Italio). La konferencon kunfinancas Eŭropa Komisiono, pro tio aperas ebleco por pagi restadon en Triesto por certa nombro da studentoj de ĵurnalismo. La laborlingvoj de la konferenco estos Esperanto, la angla kaj la itala. Preferindas partopreno de ĵurnalistoj kaj aparte studentoj de ĵurnalismo kiuj almenaŭ iom konas E-on, sed tio ne estas kondiĉo. Povas veni kiu ajn, kiu regas aŭ la anglan aŭ la italan. Demandojn pri la konferenco vi povas sendi al la organizantoj.

Informoj kaj pri la konferenco kaj pri la sekvajara EEU-kongreso en Irlando troviĝas en la paĝaro www.europo.eu

TEĴA, kies plimulton faras eŭropanoj, kunsidas dum la eŭropaj Universalaj Kongresoj de Esperanto. Kiel estu en 2012 – la Universala okazos en Vjetnamio? Bonŝance, en 2012 sian kongreson okazigos Eŭropa Esperanto-Unio (EEU). Estos la 9-a Kongreso de EEU, kiu okazos en Galivo (Gaillimm/Galway), inter la 16-20-a de julio 2012.

TEĴA kaptis la okazon kaj jam antaŭmendis kunvenejon por ĵurnalistoj kaj interesitoj. La prezidanto de TEĴA Audrys Antanaitis kaj mi (la ĝenerala sekretario) jam aliĝis al la Kongreso de EEU. La prezidanto invitas gekolegojn el TEĴA fari la same. Mi, miavice, petus la aliĝintojn sciigi min pri sia aliĝo.

Informojn pri la kongreso kaj la aliĝilon vi trovu en www.europo.eu. Ni ĝuu la kongresan kaj kolegan etoson!

P.S. Uzante la okazon mi atentigas vin, ke plue eblas mendi ĉe mi viajn plastajn membrokartojn de TEĴA-ano. Tiujn jam posedas kaj diversokaze uzas duono de niaj membroj.

Vytautas Šilas (Sxilas), ĝenerala sekretario de TEĴA, litovastelo@takas.lt

Trideko da membroj kolektiĝis en la kunveno de TEĴA en Kopenhago en lundo la 25-a de julio 2011. La kunveno akceptis la raporton de la prezidanto Audrys Antanaitis, kaj la financan raporton, kiun same prezentis la prezidanto, ĉar la ĝenerala sekretario Vytautas Šilas pro malsano ne povis ĉeesti la kunvenon.

La estraron pro propra deziro forlasis Mariana Evlogieva, Aleksandr Korĵenkov, Kalle Kniivilä kaj Gabriela Kosiarska. Por nova mandatperiodo estis elektitaj la prezidanto Audrys Antanaitis, la ĝenerala sekretario Vytautas Šilas, kaj estrarano Dieter Rooke, kiu ne ĉeestis, sed ankaŭ ne anoncis deziron forlasi la estraron. Kiel novaj estraranoj estis elektitaj Stano Marček, Bengt Nordlöf, Alfred Schubert kaj Dmitrij Ŝevĉenko.

Poste Peter Baláž rakontis pri la novaĵreteja projekto aktuale.info kaj Paul Gubbins pri la revuo Monato. Ambaŭ esperis starigi aktivan kunlaboron kun la membroj de TEĴA. Similan esperon poste esprimis ankaŭ la nova estrarano Stano Marček, redaktoro de la revuo Esperanto.

Karaj gekolegoj, esperantistaj ĵurnalistoj, kiel flugas la tempo! Pasas jam la 3-jara oficperiodo de la nuna estraro de TEĴA! Venas la tempo por la retrorigardo kaj por la antaŭeniro. Estis la Roterdama UK, dum kies TEĴA-kunveno estis konfirmita la nuna konsisto de la estraro:

Prezidanto:
Audrys ANTANAITIS (Litovio)

Vicprezidanto:
Kalle KNIIVILÄ (Svedio)

Ĝenerala sekretario:
Vytautas ŠILAS (Litovio)

Estraranoj:
Mariana EVLOGIEVA (Bulgara Respubliko)
Aleksander KORĴENKOV (Rusa Federacio)
Gabriela KOSIARSKA (Pollando)
Dieter ROOKE (Svislando).

En 2009 sekvis la Bjalistoka UK dum kiu okazis malonga vica ĝenerala kunveno de TEĴA-anoj. Nun venas la tempo por duhora Elekta ĝenerala kunveno. ĝin ni okazigos dum la Kopenhaga UK, la 25-an de julio (lundan posttagmezon). Dum la unua horo vi aŭdos raportojn de la estraranoj (la forestontoj – prezentos la skribajn), taksos agadon de la estraro, proponos kandidatojn por la nova estraro kaj balotos por viaj kandidatoj. Dum la dua horo vi konatiĝos kun la nova estraro, akceptos decidon pri membrokotizo (oni proponas porjaran kotizon 10 €) kaj pridiskutos ontan agadon. Vi ricevos eblecon kurte informi pri aktivecoj de esperantistaj ĵurnalistoj en via(j) lando(j) – jen, ekzemple, en majo 2011 litovaj esperantistoj okazigis jam la kvaran tendaron-seminarion por siaj ĵurnalistaj gekolegoj. Se estos proponoj (apenaŭ) pri amendoj por la Statuto ni decidos ankaŭ pri tiuj. Probable, post la kunveno, la partoprenintoj fotiĝos kun la nova estraro.

La tri jaroj de revivigita TEĴA estis gravaj el organiza vidpunkto. TEĴA estis jure registrita en Litovio (kun sidejo en Vilno) kiel internacia unuiĝo de profesiaj kaj amatoraj esperantistoj ĵurnalistoj. Estis starigita la celo – servi al profesiaj kaj amatoraj ĵurnalistoj kaj internacie reprezenti iliajn interesojn. TEĴA starigis adekvatan Statuton laŭ kiu ĝi rajtas kaj povas agi en tre multaj sferoj (por realigo de agoeblecoj mankas nur aktiveco de la membraro kaj pli granda monhavo). TEĴA ekhavis oficialajn emblemon, sigelon, bankan konton. ĝi estas unu el nemultaj organizaĵoj, kunlaborantaj kun UEA, kiu havas foj-foje renovigatan, prizorgatan de Kalle Kniivila, retejon www.tejha.org (vizitu ĝin, kontribuu al ĝi!). Estis ellaborita plastika Membrokarto de TEĴA-ano. ĉiu membro rajtas ricevi ĝin.

Ho ve, nur iom malpli ol duono de nia membraro mendis kaj ekposedis diversokaze uzeblan membrokarton de TEĴA. Ni uzas la okazon por inviti: mendu (ĉe ĝenerala sekretario, litovastelo@takas.lt) kaj ricevu en UK (persone aŭ per rajtigita samlandano) Dŭ perpoŝte (laŭ via prefero) la karton ankaŭ vi, se vi ĝis nun ne posedas ĝin. Cetere, la karto enhavas jenajn individualaĵojn: individuan kaj familian nomojn, naskiĝdaton, landonomon (nacilingve kaj en Esperanto) kaj portretan foton (tiu estu ne malpli granda ol 800×900 dimensie kaj ne malpli ol 0,4 Mb amplekse, en JPG). Por la karto enpagu 10 € al nia UEA-konto: “ttmj-f” kun nepra indiko “por membrokarto” aŭ avize postpagu la karton dum la UK mem. Cetere, ni antaŭmendis la tablon en la Movada foiro – la membrokartan aferon vi povos solvi tie.

TEĴA, nia esperantista ĵurnalista rondo, jam kunigas 113 ĵurnalistojn el 38 landoj (la liston vidu sube!). Al la 96-a UK de Esperanto en Kopenhago tamen aliĝis nur 40teĵaanoj (el 25 landoj), eĉ ne duono de la membraro do. Nia statuto ne indikas kiom da partoprenantoj faras kvorumon (tradicie -1/2 aŭ 2/3). Por ke decidoj de la ĝeneralaj kunvenoj estu tuj validaj, ni proponas akcepti la Karigon al la Statuto, ke nian kvorumon faras ajna mombro de venintaj membroj, kondiĉe ke ili reprezentas minimume 5 landojn kaj ke unu el partoprenantoj nepre estas estrarano de TEĴA (via opinio pri tio?). Ni ankaŭ atentigas vin ke la membroj nepovantaj veni kongresen, laŭ la Statuto, povas skribe rajtigi aliajn membrojn reprezenti ilin dum la kunveno. Krome, ĉar la kunveno estos aperta, vi povas peti iun ajn vian samlandanon ĉeesti ĝin (sen voĉdona kaj elpaŝa rajto!) por tiu poste informu vin.

Ĉar ni ne estas certaj pri tio ke ĉiuj antaŭe de vi anoncitaj viaj e-adresoj validas, al tiuj, kiuj dum tri jaroj neniam reeĥis al niaj e-leteroj kaj ankaŭ nun ne indikos ricevon de la letero, al tiuj ni devigite sendos la paperan cirkuleron – tradicipoŝte. ĝis la revido en Kopenhago aŭ dum aliaj E-aranĝoj!

Audrys Antanaitis
prezidanto de TEĴA, audrys@ziniur.lt

Vytautas Šilas
ĝenerala sekretario de TEĴA, litovastelo@takas.lt

-

TEĴA kunigas jenajn 113 E-ĵurnalistojn el 38 landoj de la mondo:

F.Ampomah Badu, D.Broadribb (Aŭstralio); W.Klag (Aŭstrio), R.Rotsaert (Belgio); E.Nascimento, E.Cid (Brazilo); J.Gubbins, P.Gubbins (Britio); M.Evlogieva, V.Mitev (Bulgario); P.Chrdle (ĉekio); J.Li, W.Ruixiang, Z.Peng (Ĉinio); B.Chatterjee, J.Larsen, H.Rosen, I.Schrøder (Danio); A.Kaljusaar (Estonio); J.Ahomäki, J.Pietiläinen (Finlando); M.Juy, Ch.Lavarenne, V.Lutermano (Francio); P.Hauser, P.Kühnel, Y.Lazian, A.Lewanderska-Quedenau, L.Rolshoven, F.Rösler, R. Rösler-Buckel, B.Westerhoff (Germanio); A.Rao (Hinda Unio); T.Grau, J.Heras Jiménez, L.Pèrez (Hispanio); A Pasztor, L.Szilvási, L.Szöke (Hungario); A.Manduhi, M.Torabi (Irano); R.Corsetti, E.Tarracchini (Italio); S.Yamasaki (Japanio); D.Grgat, V.Jurković, R.Milošević J.Pleadin, T.Radić (Kroatio); M.González (Kubo); A.Bušs, B.Rozenfelde, M.Želve (Latvio); A.Antanaitis, J.Antanaitienơ, J.Bartaškienẹ, D.Choj, V.Čojienẹ, A.Piliponis, D.Statkuvienẹ, L.Stražnickas, V.Šilas, V.Valuckienẹ, A.Žalyte (Litovio); I. Ertl, C.Nourmont (Luksenburgio); G.Macias (Meksiko); H.Adriaanse, G.Uittenbogaard (Nederlando); R.Manandhar (Nepalo); D.Draper (Norvegio); S.Mian (Pakistano); Cz.Baranowski, I.Bobrzak, T.Chmelik, L.Gierko, M.Jaskot, E.Karczewska, G.Kosiarska, K.Leja, B.Pietrzak, M.Zdankowski, L.Żebrowski (Pollando); V.Ivanov, A.Junusov, A.Korĵenkov, V.Minin, A.Peĉonkin, A.Sidorov, D.Ŝevĉenko (Ruslando); D.Jančić, Z.Martinov (Serbio); S.Marček (Slovakio); P.Fritzon, G.Gällmo, K.Hansen, K.Kniivilä, L.Nordenstorm, B.Nordlöf (Svedio); A.Kuenzli, D.Rooke (Svislando); M.Kheirkhah (Tajvano); M.Lineckij, E.Slovaĉevskaja (Ukrainio); J.Brozovsky, H.Firooznia (Usono).

P.S. Ho ve, estas aliĝintaj al TEĴA neniuj ĵurnalistoj el Israelo, Kanado, Korea Respubliko, Slovenio, Vjetnamio (kvankam tie esperantistoj ĵurnalistoj ekzistas), nur unu ĵurnalisto aliĝis el Japanio.

TEĴA, nia esperantista ĵurnalista rondo, kunigas 111 membrojn (el 38 landoj). Al la 96-a Universala Kongreso de Esperanto en Kopenhago jam aliĝis 38 teĵaanoj (el 25 landoj). Nia raporta-elekta membrokunveno okazos la 25-an de julio (lundan posttag-mezon). Mi atentigas ke la membroj, nepovantaj veni kongresen, povas laŭ la Statuto skribe rajtigi aliajn membrojn reprezenti ilin dum la kunveno. La tagordo enhavos raportojn de la estraranoj, elekton de novaj estraranoj, pridiskuton de onta agado, decidon pri membrokotizo, probable ankaŭ amendojn por la Statuto. Cetere, Audrys Antanaitis, la prezidanto de TEĴA, intencas ĉi aŭtune okazigi en Litovio internacian ĵurnalistan konferencon pri la temo “Toleremo kaj ksenofobio” kaj kongrese pri ĝi informos detale al vi. Konkretan tagordon de nia kunveno vi pogrupe ricevos elektonpoŝte en junio. Ĝin ni publikigos ankaŭ en nia retejo www.teĵa.org
Ĉar mi ne estas certa pri tio ke ĉiuj de vi antaŭe anoncitaj viaj e-adresoj validas, nepre e-notu la ricevon de ĉi tiu letero. Al senreeĥuloj mi devos sendi (junie) paperajn leterojn (kromaj klopodoj kaj elspezoj).

Nur iom malpli ol duono de niaj membroj jam posedas solidajn plastikajn memb-rokartojn de TEĴA. La karto ne nur indikas la membrecon, sed estas uzebla por ĵurnalistaj akreditiĝoj, por senpaga aŭ rabata vizito de muzeoj ktp. Mi uzas la okazon inviti: mendu kaj ricevu la karton ankaŭ vi, se vi ĝis nun ne posedas ĝin. La karto enhavas jenajn individualaĵojn: individuan kaj familian nomojn, naskiĝdaton, landonomon (nacilingve kaj en Esperanto) kaj portretan foton de la membro. La karton vi antaŭmendu elektronpoŝte ĉe mi kaj enpagu 10 Eurojn al nia UEA-konto: ttmj-f kun nepra indiko “por membrokarto” (interkonsentinte kun mi oni povas pripagi la karton dum la UK). Antaŭmendante la kar-ton kunsendu al mi ankaŭ vian portretan foton (en JPG). La produktitaj kartoj estas rice-votaj en UK aŭ perpoŝte (laŭ via prefero).

Fartu vi ĉiuj bone!

Vytautas Ŝilas
ĝenerala sekretario de TEĴA

La 27an de junio – 3an de julio 2010 en la nordorienta urbo de Litovio Visaginas okazis E-aranĝo, la 46-aj Baltiaj Esperanto Tagoj. Estis anoncite, ke dum la aranĝo okazos kunveno de esperantistoj-ĵurnalistoj. TEĴA nun havas 110 membrojn en 38 landoj, tamen nur sep el ili venis al Visaginas kaj por la kunveno – nur kvin. Malgraŭ tio, la kunveno okazis.

Ĝenerala sekretario de TEĴA Vytautas Šilas (Litovio, Vilno) prezentis historion de TEĴA, kiu komenciĝis jam en 1946 kaj kiu havis eĉ kvin reorganizojn. La lasta komenciĝis dum la Tutmonda Kongreso de Ĵurnalistoj-esperantistoj en Vilno (2008) kaj finiĝis en 2009 dum UK en Roterdamo. La organizaĵo kiel jura persono estas registrita en Vilno (2009). Laŭ la statuto ĝi rajtas kaj povas agi en tre multaj sferoj.

Por realigo de agoeblecoj mankas nur aktiveco de la membraro. En la kunveno pri eblaj ontaj aktivecoj de TEĴA parolis redaktoro de la revuo „Esperanto“ Stano Marček, vicprezidanto de UEA Claude Normont, unu el la gvidantoj de la fama retejo E@J Peter Balaž, latva aktivulo Aivars Kalninš, litova pedagogo Algimantas Piliponis. La resuma konkludo estis: aktiva TEĴA povus multe kontribui la komunan aspiron pri diskonigo de Esperanto. Por informiĝi pri TEĴA venis 19 BET-anoj. Sekve pri ĵurnalista agado interesiĝas sufiĉe multaj esperantistoj.

Audrys Antanaitis, prezidento de TEĴA kaj V. Šilas havas ideon pri aperta 3-taga kunsido de TEĴA-estraro en iu alloga loko de Litovio januare aŭ februare. Por partopreni la kunsidon ni invitus ankaŭ kelkajn kromajn interesiĝintajn membrojn de TEĴA. La partopreno (loĝado kaj manĝado) estus senpaga; la venontoj devus kovri nur siajn vojaĝelspezojn. Por efektivigi tion ni serĉas subvencian subtenon de iu entreprena kompanio. Vi deziru al ni, ke ni sukcesu en tio. Kaj ne nur.

Proponu al A.Antanaitis, la prezidanto kaj Kalle Kniivilä, la vicprezidanto viajn pridiskuteblajn demanojn, viajn sinproponojn por efektivigo de iuj aktivecoj. Vi ja certe konsentos, ke kun kiuj faroj TEĴA venos al la raporta-elekta ĝenerala kunveno sekvantjare en Kopenhago dependas ne nur de la estraranoj.

P.S. Malpli ol duono de la membroj mendis kaj ricevis plastajn membrokartojn (kun validomarko). La kartoj estas uzeblaj por ĵurnalistaj akreditiĝoj. La malhavuloj mendu por vi membrokartojn ĉe mi.

Vytautas Šilas
Ĝenerala sekretario de TEĴA

En 2008 en la revuo “La Ondo de Esperanto“ aperis ĉiumonata rubriko “Nia Trezoro“. Ĉi tiu rubriko estas kleriga; ĝi celas doni al tiuj, kiuj jam senprobleme legas en Esperanto, la eblon konatiĝi kun la historio kaj kulturo de Esperanto. Dum la unua jaro en “Nia Trezoro” estis prezentitaj dek libroj, kiuj grave influis la evoluon de Esperanto lingve, socie kaj kulture. En 2009 tra la tuta jaro en ĉi tiu rubriko oni povis legi tekstojn pri dek gravaj Esperanto-gazetoj.

En 2010 “Sezonoj” kunlabore kun la Litova Esperanto-Asocio eldonis ambaŭ kolektojn sub la titoloj “Dek libroj” kaj “Dek gazetoj”. Por la libroforma eldono la aŭtoroj korektis siajn tekstojn.

Ĉiu el la du 32-paĝaj libretoj estas aĉetebla ĉe la libroservo de UEA kaj ĉe aliaj grandaj Esperanto-libroservoj kontraŭ 4,50 eŭroj. Litoviaj, Pollandaj kaj Ruslandaj esperantistoj povas aĉeti ĝin rabatite rekte ĉe Sezonoj en Kaliningrado, aŭ ĉe niaj reprezentantoj en Kaŭno, Vilno, Olsztyn kaj Moskvo.

Ni jam prezentis la unuan eron de la serio: “Dek libroj”

Nun vi povas konatiĝi kun la volumeto “Dek gazetoj”.

Karaj polaj geamikoj,

Tutmonda Esperantista Ĵurnalista asocio estas ŝokita pri la tragika pereo de Pola Prezidento kaj la teamo, fluginta por honorigi viktimojn de bolŝevika amasekzekutego en Katino. Ni kondolencas ĉiujn polojn kaj precipe proksimulojn de la pereintoj. Fortecon al vi ĉiuj!

Prezidanto de TEĴA Audrys Antanaitis,
redaktoro de “Litova Stelo” Vytautas Šilas